A reforma do Código penal pola LO 1/2015, de 30 de marzo, supuxo a vixésimo oitava modificación do sistema penal trazado polo Código de 1995. Nesta ocasión estamos probablemente ante a máis importante das vinte e oito, cunha repercusión práctica que se estende non só a concretas figuras delituosas, senón a institucións da Parte xeral do Dereito penal.

É por iso que se fixo necesaria a publicación dunha revisión profunda da primeira edición desta Tutela penal das Administracións Públicas, que data de 2013.

Dúas realidades conflúen e determinan o contido do libro: a necesidade de crear auténticos especialistas no tratamento penal da delincuencia relacionada coas administracións públicas e a dun Estado, o español, que tras anos de apatía parece saír do seu letargo para dar resposta ao fenómeno da corrupción, que no momento de redactar estas liñas sitúase como a segunda preocupación dos cidadáns españois, tan só superada pola lacra do desemprego.

É por iso que o presente texto nace cunha vocación marcadamente utilitarista e didáctica. Pretende ser un instrumento útil para dar a coñecer tanto as características xerais da responsabilidade penal no ámbito do exercicio da función pública, como cada unha das figuras delituosas relacionadas co mesmo nun momento no que esta materia resulta especialmente transcendente para o conxunto da sociedade.