O presente volume que, dalgún modo, ten certo compoñente biográfico e ata autobiográfico, recopil­a algunhas semblanzas dunha galería de xuristas ilustres cuxas achegas significaron decisivos avances na concepción do dereito do noso tempo. Pero, como suxire o propio título, tamén se trata de persoas que son ou foron cidadáns non menos ilustres, é dicir, que adoptaron unha actitude afastada de posturas doctrinarias, dogmáticas e arbitristas, tantas veces presentes na actualidade na que, ante moitas realidades novas, é fácil que xurda o desconcerto, a desorientación e, non poucas veces tamén, o desencanto. Ao seu modo todos eles foron ou son rexeneracionistas. E é a súa altura moral a que se pretende destacar e dar a coñecer ás seguintes xeracións. Este libro, pois, proporciona información directa sobre os autores aos que se refire, ampliando ás veces tamén o foco cara a algunhas outras cuestións como o maxisterio, a linguaxe, os conceptos, as regulacións, a historia e a experiencia xeracional.